Чароўныя паэтычныя радкі прагучалі на пазакласным мерапрыемстве «Урокі дабра і годнасці», якое адбылося ў ДУА “Сярэдняя школа № 4 г. Лунінца”. Перад вучнямі 6 “А” і 6 “Б” класаў са свамі вершамі выступала наша таленавітая землячка Валянціна Іванаўна Трухнова.
“Прысутнічаць на паэтычных чытаннях у сярэдняй школе №4 горада Лунінца заўсёды хвалююча для мяне. Тут адпрацавала загадчыцай сталоўкі без малога восем гадоў з адкрыцця навучальнай установы у 1989 годзе. Тут жа набывалі веды і два малойшыя сыночкі. Таму школу і сёння лічу “сваёй”!
У чарговы раз, 15 лістапада 2022 года, па прапанове бібліятэкара школы Ларысы Віктараўны, сустрэча адбылася з шасціклашкамі.Ва ўтульным пакоі (класе), напоўненым прыгожай “зелянінай”, панавала цудоўная атмасфера: вучні з цікавасцю ўспрымалі агучаныя мае вершы. Увага вучняў была засяроджана на зберажэнні прыроды і клапатлівых адносінах да жывёльнага свету(верш “Ваўчыца Яра”); на вывучэнні традыцый беларускай спадчыны (верш “Пастушок”); на выхаванні ўзаемапавагі, любові і пяшчоты сярод блізкага асяроддзя (верш “Матулі”); на ўнікальнасці нашага прыроднага месца (верш “ Казка аб Клубніцы”) і інш.
З інтарэсам і актыўнасцю дзеткі адказвалі на пытанні віктарыны па цікавых момантах пачутага.
Пазітыўнасць і ўдзячнасць вучняў і настаўнікаў-кіраўнікоў задалі настрой бадзёрасці, пачуццё запатрабаванасці і неабходнасці такіх “ паэтычна-выхаваўчых” сустрэч.
Мы, старэйшае пакаленне, павінны данесці дзеткам нашы ўрокі ДАБРА, СЦІПЛАСЦІ, СУМЛЕННЯ, ПАРАЗУМЕННЯ; ГОДНАСЦІ І ГОРДАСЦІ ЗА НАШУ РОДНУЮ МОВУ, ЗА НАШУ МІРАЛЮБІВУЮ БЕЛАРУСЬ!
Поспехаў вучням і настаўнікам МАЁЙ школы!
З павагай Валянціна Трухнова”.